Daileng a inthiar awmlohna siam tuma hmalakna kal zelah Kolasib a thingtlang(village) khua te ODF a puan theih chungchang ngaihtuahin vawiin khan District Level Swachh Bharat Mission (Gramin) chu an chairman District Bawrhsap Pu H.Lalengmawia hovin an thukhawm.
Swachh Bharat Mission (Gramin) hnuaiah hian ekin neilo chhungkaw 641 te ekin sak sak an ni a. Kum 2016 khan ekin nei tawhsa thianghlim tawklo 1225 te ekin thianghlim zawk an neih theih nana hmalak leh mek a ni a. Kolasib district a Rural Development Block pahnih Bilkhawthlir leh Thingdawl block hnuaia khaw 34 te chu dailenga inthiar awmlohnaah an inpuanh tawh a ni. Vawiin meetingah hian heng khua te hi endik tu tur inruatin an endik dawn a ni.
ODF bakah hian Swachh Bharat Mission (Gramin) hmalakna hnuaiah hian bawlhhlawh sawngbawlna hmun pakhat siam a ni a. Saiphai khuaah bawlhhlawh bawm sem a ni a. Vantlang inthiarna pakhat Gosen Veng, New Builum-ah sak a ni bawk.
