No.1774/2021-2022

Aizawl, 10^th August, 2021 : Health Minister Dr. R. Lalthangliana hmalaknain  Integrated Disease Surveillance Programme (IDSP), Health & Family Welfare Department chuan vawiin khan Operation Kingdom Ministry Home, Phunchawngah sample test runpui an buatsaih a, Home a awm mi 151 sample test zingah COVID-19 positive 116 hmuhchhuah an ni a, positivity rate hi 76.82% a ni.

A hmuna kalchilhtu State Nodal Officer, IDSP Dr. Pachuau Lalmalsawma chuan Home thuneituten sample laksak tura Health Minister an ngenna bawhzuia kal an nih thu sawiin, sample test runpui (mass testing) kalpui mek nena inkaihhnawih lo, emergency a test hi neih a ni tih a sawi a, tuna la negative rih te pawh a tul ang zelin bialtu CMO te nen an vil chhunzawm dawn tih a sawi a ni.