Vawiin chawhma dar 10:00Am khan Agriculture Complex, Siaha-ah Organic Fair under Paramparaghat Krishi Vikas Yajona (PKVY) programme hman a ni. He programme hi Pu Zoramthanga, DAO, Siaha chuan a kaihruai a ni.
Vawiin Kuthnathawktute tharchhuah pholanna huna khuallian Dr. Saithangpuia, SDC, Siaha chuan thu sawiin, hetiang hun tha Siaha khawpuia kan hmang thei hi a lawmawm hle a ni tiin, rim taka thawktute chu chunglam Pathian in mal a sawm thin a ni, a ti a. Kan Siaha khawpui thlai tam zawk hi Phai lam atanga chawkluh a ni a. Heng phailam tharte hi ngampa taka ei a him tawk em? tih hi kan ngaithuah fo a tha a ni, a ti. India ram pawh Agriculture lama hma kan sawn viau tawh a alan lai hian, kan thar chhuahte hi Pesticide, Insecticide leh kan hriatloh hlo (tur) hmanga enkawl leh sawngbawl a tam em em a ni, a ti bawk. Kan thlai thar vawiin ni a Siaha a kan pholante hi a hmel enin tlawm mahse a hriselin, ei atan a him em em a ni, a ti. Kan chawhmeh leite hi a hmel mawina leh a hlawkna chauh ngaituah lovin, a hrisel tawk em, eng hmanga sawngbawl leh enkawl nge a ni tihte hi ngaituah a, kan fimkhur hle a ngai tawh a ni, a ti bawk.
Mizoram Farmers’ Union Siaha District President Dr. Chawngkhuma Chawngthu pawhin thu sawina leh Siaha District AMFU hmalakna hrang hrang bakah an hmachhawpte sawina hun a hmang a. Programme kar lakah zaithiam tak tak zaite ngaithlak a ni bawk.
Thlai thar phochhuahte hi Judges Pu K. Malsawma, Secretary, AMFU; Pi Catherin M. Chozah, ADAO, MADC leh Pi S.Sisi, Scientist KVK, Siaha ten ngun taka an endik hnuah lawmman dawng turte thlanchhuah niin, item 13 atangin item tina lawmman pakhatna, pahnihna leh pathumna te thlan an ni a. Mi pathumte hnenah consolation prize item tinah sem a ni bawk. Lawmman pakhatna hian tangkafai Rs.1500/-, pahnihna Rs. 1000/- leh pathumna Rs. 700/- theuh bakah consolation prize dawngtute hnenah Rs. 300/- theuh pek an ni bawk. Heng lawmman te hi khuallian Dr. Saithangpuia’n a sem a ni.
Pu
K. Laltanpuia, SDAO, Tipa chuan lawmthu sawina in vawiin programme hi a titawp
ta a ni.
