Vawiin khan Social
Welfare Department buatsaihin Pawl Kut, 2018 hmandan tur Secretariat Conference Hall, New Secretariat
Complex-ah State Level Steering Committee thut khawm a ni.
Pawl Kut, 2018 hi a
vawikhatna atan hmantur a ni a, Lammual-ah ni 19th December-ah hman
a ni ang. Pawl Kut hi Naupangte Pual Kut a nih avangin, a tam thei ang ber
naupangte kal tura ngen leh sawm an ni a. Pawl Kut-ah hian Mizo Cultural
Organisation (MCO) ten Cheraw an kan ang a, Chhawnghnawh, Rallu Lam, Tlang Lam
leh adangte a awm dawn a ni.
Pawl Kut hmanna
atan hian Ministry of Tribal Affairs atangin Social Welfare Department chuan
Cheng Nuai 50 a dawng a ni.
