3866/2022-2023

Aizawl, the 16th March, 2023: Vawiin khan Agriculture leh Cooperation Minister ni bawk Pu C.Lalrinsanga hovin a pisa-ah Mizoram in ramdanga organic farming atanga loneitu ten ramdanga thawnchhuah an neih belh theihna tur chungchang sawi ho na an nei.

He hunah hian Minister Pu C. Lalrinsanga chuan organic farming nih phung sawifiahin chemical fertilizer hman loh mai piah lamah organic huan chu ram leilung nena inhmeh, tu leh fa te thlenga eizawnna tlak, organic thlai hrisel, eizawnna hlawk taka hman theih niin Mizoram leilung hausakna chemical in a la tih chhiatloh, lei hanna (manures) hmanga tualto thlai te sum taka chanchin theihna kawng a ni a ti a. Organic Farming a hlawhtlin zual theihnan MAHFED hnuaia FPO pawimawhna te a sawi bawk a ni.

He meeting ah hian Ministry of Cooperation in thurawn a pek angin India ram pum huapa Multistate Cooperative Society for Exports and Multi State Cooperative Society for Organic Farming a Mizoram Cooperative Societies hrang hrang te leh Cooperations bakah Agriculture Deparment leh Horticulture Department ten hemi kawnga hmalak zauna an neih nan leh mipuiah organic farming chungchang a zau zawka inzirtirna(wide publicity) neih a nih nan Cooperation Secretary nimek Dr. Lalrozama  Chairman na hnuaiah Coordination Committee din ni se tih pawm tlan a ni a, he Committee hian Mizoram chhunga organic farming chungchanga hma kan lak tawhna zawng zawng data zirchiang a, a tul anga kal zel dan tur(way forward) ruahmanna lo siam se tiin pawm tlan a ni.