IGNOU Regional Centre, Aizawl leh Staff Training and Research Institute of Distance Education (STRIDE), IGNOU, New Delhi tangkawpin an buatsaih ni hnih awh tur Orientation Programme for Academic Counsellors chu vawiin khan I&PR Conference Hall-ah hawnna neih a ni.
Pu Zochungnunga,Director, Higher & Technical Education chu khuallian niin a ni hi IGNOU Regional Centre, Aizawl a Regional Director hna chelh hmasa ber a ni. Dr. S.R. Zonunthara, Regional Director in inlawmna thu sawiin, IGNOU Aizawl hmasawnna hrang hrangte a sawi bawk a. Prof. Santosh Panda, STRIDE, IGNOU New Delhi chuan training huaihawt a nih chhan leh a hman tangkai dan turte sawiin, IGNOU in khawvel huap a hma a lakna chungchangte a sawi bawk a ni.
He huna khuallian Pu Zochungnunga chuan IGNOU hmalakna fakin formal education a inziak lut remchang lo te tana mahni tapchhak zawl atanga zirna IGNOU in a buatsaih chu mi tam takin hmang tangkai se a duh thu a sawi a, Academic Counsellors te chu thahnemngai leh zual a thawk turin a fuih a ni.
He training programme-ah hian IGNOU Study Centre hrang hrang atangin Academic Counsellors leh Coordinators 50 zet an tel a ni. Dr. Mayonmi Shimray, Asst. Regional Director in lawmthu sawiin he hun a hi khar a ni.
