Kawrthah kum za tlin lawmna Dt 21-23.Nov 2012 chhunga neih chu  nimin khan Pu Lalrinmawia Ralte Parliamentary Secretary, Bialtu MLA ni bawk chuan khuallian niin a hmanpui.
 

Kum za tlin Lawmna vantlang inkhawm Kawrthah Khelmualah a neih Pu C. Hmingthankima , Chairman Organising Committee kaihhruaiah  Khuallian Pu Lalrinmawia Ralte Parliamentary Secretary, Bialtu MLA ni bawk chuan thusawiin Kawrthahin kum za hial a tlin theihna tura khaw lo dintute chungah lawmthu a sawi a, harsatna leh hreawmna tam tak karah Pathian rinchhana an lo dinna-ah tun hun  hi thleng thei kan ni  a ti a. Kawrthah khua hi a lo din chhuahna atang rengin a mi chengte hi ze nget  leh tum ruh tak nei an nih avangin tun dinhmun hi thleng thei kan ni a ti a.Hmasawnna nasa zawk kan neih theihna turin helai bial tan kawngtha  zawk siam turin sawrkarin sum a ruahman fel tawh thu a tarlang bawk .Tun huna hmasawnna kan neih te hi chhawm nung zel tur leh   kum lo kal leh zel turah pawh hei aia dinhmun sang zawk kan neih theina tura tan la turin Kawrthah khaw mipuite a sawm a ni.

Khuallian chuan Kawrthah Centenary Souvenir Kum za lamtluang tih chu a tlangzarh bawk a ni.

He hunah hian Kawrthah khua-a kum 80 chin chunglam te chawimawina hun buatsaih niin mi 28 te hnenah thilpek khuallian Pu Lalrinmawia Ralte Parliamentary Secretary, Bialtu MLA ni bawk chuan  a hlan a ni.
Khuallian hian Centenary Lungphun Kawrthah Bazar a mi a hawng bawk a ni

Kawrthah kumza tlin lawmna-ah hian khualzahawm Pu V. Lalremthanga , District Bawrhsap pawhin thusawiin  Kawrthah khuain kum za a tlin a lawmpui thusawiin kum upatna hian ken tel tam tak a nei a, mi naranin kan neih theih loh thil tam tak  finna leh hmasawnna keng tel a ni a ti a, chutihrual chuan zawhte upata upa ve ringawt kan ni em tih erawh kan in enfiah a tul a ni a ti. tun meka khaw mipuite hmalam pana kal zel tur lehkan nitin khawsakna-ahkan thawh chhuah mil tawka khawsa thiamturin khaw mipuite a sawm a ni.

He kum za tlin lawmna hunah hian Kawrthah khaw lal lo ni tawh tu leh faten thu an sawi bawk

Kawrthah khaw chanchin Pu Lalvenhima Ralte hnena atanga ngaihthlak niin Kawrthah khua hi kum 1912 ah Pi Rosailutin W.Bunghmun khua tangin Chhungkaw 40 zet hruaiin  a din a ni a kum 1919 ah Pu Hrangchhunga Lal lehin Pu Ngurlianthanga kum 1928 ah a lal leh a ni. Tun dinhmunah Kawrthah khua-ah hian In 735 awmin Mihring 2011 chhirpuiah 3000 chuang an cheng mek a ni.

Kawrthah kum za tlin lawmna hi Ni thum chhung hman niin intihhlimna chi hrang hrang Hranghlui Nite, Cultural Programme leh Khawtlang huap ruai te buatsaih a ni a, he hun hi sawrkar Department hrang hrang hotute leh Kawthah khua hmun hrang hranga awm ten an hmanpui a ni.