Department of Agriculture (Crop Husbandry) hnuaia Mizoram Agriculture Service (MAS) Grade V mi 19 te puala Department-in Orientation Programme ni nga awh a buatsaih chu hlawhtling taka neih a nih hnuin vawiin chawhma dar 10:00 khan kharna hun hman a ni.

He Orientation Programme, Department-in a buatsih vawi 3-na hi ni 20 May, 2013 khan Agriculture Committee Room-ah Director Dr. C. Lalzarliana hovin hman tan a ni a. Department kalphung leh Scheme hrang hrang-te zirtirna leh inkawhhmuhna neih thin a niin Topic hrang 12-ah Resource Person-ten zirtirna an pe a ni. Zawhna leh sawihona hun tha tak hman thin a ni bawk.

MAS Grade V, tun hnaia tling tharte hi Pu Tlangtimawia Zote, Insecticide Analyst kaihhruainain ni 23 May, 2013 khan Field Visit neihpui an ni a, Departmental Farm, Neihbawi leh Model Organic Farm, Thingdawl-a hnathawh hrang hrang te enpui an nih bakah Oil Palm chinna hmun te tlawhpui an ni bawk. Bukvannei-a Oil Palm Mill bunna tura hnathawh mek te a hmunah enpui nghal an ni bawk.

Vawiin chawhma dar 10:00-a kharna hun Agriculture Committee Room-a neih ah Pu Rohmingthanga Colney, Deputy Director (Extension) & Course Coordinator chuan kaihruaiin Programme hlawhtling taka hman a ni chu lawmawm a tih thu a sawi a, Pu George Lalthanngura, ASSO, Assistant Course Coordinator ni bawk chuan Report a pe. He hun hmanpuitu Pu Lalrinliana, Joint Director of Agriculture chuan fuihna thu sawiin mahni awmna bial theuh mipuite rin tlak ni turin Officer-te chu a chah a, nitin hnathawh a tul tur ang chi reng rengah chuan inzir zel turin a chah nghal bawk.