2546/2025-2026

5th December, 2025 : Food Safety and Standards Authority of India (FSSAI) chuan October 15, 2025 khan Order No. RCD – 15001/6/2021 – Regulatory – FSSAI (E – 1475) chhuahin, ‘ORS Drink’/’ORS – based Drinks’ tia hming vuah dawra zawrhte chu Food Safety & Standards Act, 2006 (FSS Act) kalha label siam an nih avangin ‘Misbranded’ an ni a ti a. ORS – te hi natna enkawlna tur (therapeutic product) an nih avangin duh duh tana in mai theih tur (beverage) anga label siam hi a dik lova, mipui rilru hruaikawi thei a nih avangin Food licence/registration nei ten tuna a nih ang hian an zuar tawh lo tur a ni a ti. Kawl a zuar mekte chuan an lakna (distributor) – ah pek kir leh nghal vek tur a ti a. Chutiang bawkin distributor – te pawh FSSAI – in a duh anga label dik tak siam a nih theih nan a siamtute hnena pe kir leh nghal vek tura tih an ni.

Mizorama dawrkai zawng zawngte chu FSSAI hriattirna chhuah hi ngai pawimawh a zawm vek tura ngen leh hriattir kan ni a, a kawlte chuan hralh zui tawh lovin, a rang thei ang bera lakna hmuna pek kir leh nghal vek tur a ni e. He hriattirna ngai pawimawh lo leh lo leh zawm lo chu FSS Act dan anga hrem theih an ni ang.