2547/2025-2026

Dated Aizawl, the 5th December, 2025: Vawiin khan ‘Armed Forces Flag Day’ pualin Directorate of Sainik Welfare & Resettlement, Aizawl bultumin Mizoram-a Sainik Welfare Office awmna District pali-ah te hun hman a ni a. He ni hi India ram pumah kum 1949 atang khan kum tin December ni 7 ah hman thin a ni a, a ni hi kuminah chawlhni-a a tlak avangin Hon’ble Governor, Mizoram remtihna angin vawiin khan hman a ni.

He ‘Armed Forces Flag Day’ ni hian indonaa nunna chan ta nupui fanaute, hliamtuar a ramtuileilo-a awm te, Ex-Servicemen leh hmeithai harsa zualte tanpui nan, mi tlawmngaite leh mi thilphalte hnen atangin tanpuina khawn thin a ni a. Vawiin khan Governor Secretariat, CMO Office, Deputy Speaker, Minister, Chief Secretary leh Department hrang hrang Secretary-te hnen atangin tanpuina khawn niin, Rs. 41,310/- hmuh a ni a. Hei bakah hian District Sainik Welfare Office pali ten Armed Forces Flag Day puala thawhlawm an khawn leh bungrua an tihral atangin thahnem tak hmuh belh beisei a ni bawk.

Sainik Welfare & Resettlement Department chuan tlawmngaia thawhlawm petu zawng zawngte leh Flag Day material chan sak tute zawng zawng chungah leh ex-servicemen tlawmngaia tawimtuate zawng zawng chungah lawmthu a sawi a ni.