Nihnih thanga Aizawl-a Free Clinic neia lokal Osteopathy mithiam Dr. G.L. Parashar-te chuan tukin zing khan Aizawl an chhuansan hmain Mizoram Larsap chu a chenna inah an tlawh a. Larsap Lt. Gen (Rtd.) M.M. Lakhera chuan heng Doctor thiamte chungah hian a lawmthu sawiin ngaihhruina thilpek a hlan a. Dr. G.L. Parashar chuan hetiang inzut dam leh tha kham enkawlna kawngah hian Mizoram damdawi lam mite tan training an buatsaih theih dan Governor hi a hrilh a. August atang hian Mizoram Nurse 4 te chu Jodhpur ah Osteopathy zir tur hian ruahmanna siam a ni nghe nghe.
 
 

Tun tuma Mizoram tlawha lo kal te hian khawvel huap Free Clinic an neih vawi 1071 na a ni a, December thla hian Mizoram thingtlang khaw thenkhat huapa he clinic hi rawn buatsaih leh an tum dawn a ni.

Tukin zinga Governor an tlawhna ah hian Health department changtu Parliamentary Secretary Pu S. Laldingliana pawh a tel a, tualchhung Cable TV leh DDK ten an thu khawchang an la nghe nghe a ni.

Attachment

  • Loading attachment...