Vawiin dar 11 khan Mizoram-ah MP thlan lo awm tur felfai leh muanawm tak a awm theih nan Aizawl District Election Committee chu Pu C. Thanchhuma, District Election Officer leh Aizawl D.C. nibawk hovin an thukhawm a, Aizawl District Election Observer Pi Renilla D. Marak, IAS pawhin a tel pui.
Member kalkhawmte hmaah thu sawiin Pu Thanchhuma chuan Aizawl District huamchhungah constituency 14 awmna ah EPIC nei tawh 95.03% a nih laiin Mizoram pumah chuan 92.09% anih thu a sawi a, EVM chungchangah rinhlelh engmah a awm loh nan Computer chhut chhuah tir vek a nih leh dawn thu leh Number hran theuh neite hi thawnchhuah a nih hma (inthlan hma) ni 2 - 3 ah kaltirna tur hriat chauh anih tur thu te a sawi bawk.
Tun April ni 2 - 3 khan Polling Staff-te EVM expert pasarih ten an train vawi 1 na neih a ni a, a vawi hnihna chu ni 8 - 9/4/2009 ah neih a ni dawn. Election duty tur hian a constituency mihring tumah hman an ni lovanga, an kalna tur pawh a hma ni 2 velah chauh an hre thei ang.
Service Voters 1468 telin Aizawl District ah voters 230114 an awm dawn a, MP candidates 4 - 1) Pu Rualpawla, Independent, Chhinchhiahna Zungbun; 2) Pu H. Lallungmuana, Independent, Chhinchhiahna Lukhum; 3) Pu C.L. Ruala, INC-I, Chhinchhiahna Kutphah leh 4) Pu Lalawmpuia, NCP, Chhinchhiahna Sana te an ni.
Returning Officer tur Pi Sangchin Chinzah leh Pu Hmingthanmawia ten Election Code of Conduct pawimawh hriattur te an sawifiah a. Pu Lalbiakthanga Khiangte, S.P., Aizawl chuan Election huna venhimna hna hrang hrang an buatsaihte a sawifiah a, “Aizawl District bikah chuan Central lamin Police min rawn pek loh palh pawhin kan indaih thei,” tih a sawi.
Pi Marak, Election Observer chuan Aizawl District a bial tur thu sawiin, “Election chungchangah thil fel lo deuh awm ang chi reng reng hrilh thin turin kalkhawmte leh mipui hnena ngenna a nei a, “Election Fel leh Muanawm kan neih ngeina turin i tang ho ang u” tiin ngenna a siam.
Vawiina kalkhawmah hian Security, Inbiakpawhna, Tui, Electricity leh Kawngte bakah thil pawimawh engemaw zat rel a ni a, tul dan angin inhmuhkhawm leh thuai a nih tur thu Chairman Pu Thanchhuma chuan a sawi.
Tun April ni 2 - 3 khan Polling Staff-te EVM expert pasarih ten an train vawi 1 na neih a ni a, a vawi hnihna chu ni 8 - 9/4/2009 ah neih a ni dawn. Election duty tur hian a constituency mihring tumah hman an ni lovanga, an kalna tur pawh a hma ni 2 velah chauh an hre thei ang.
Service Voters 1468 telin Aizawl District ah voters 230114 an awm dawn a, MP candidates 4 - 1) Pu Rualpawla, Independent, Chhinchhiahna Zungbun; 2) Pu H. Lallungmuana, Independent, Chhinchhiahna Lukhum; 3) Pu C.L. Ruala, INC-I, Chhinchhiahna Kutphah leh 4) Pu Lalawmpuia, NCP, Chhinchhiahna Sana te an ni.
Returning Officer tur Pi Sangchin Chinzah leh Pu Hmingthanmawia ten Election Code of Conduct pawimawh hriattur te an sawifiah a. Pu Lalbiakthanga Khiangte, S.P., Aizawl chuan Election huna venhimna hna hrang hrang an buatsaihte a sawifiah a, “Aizawl District bikah chuan Central lamin Police min rawn pek loh palh pawhin kan indaih thei,” tih a sawi.
Pi Marak, Election Observer chuan Aizawl District a bial tur thu sawiin, “Election chungchangah thil fel lo deuh awm ang chi reng reng hrilh thin turin kalkhawmte leh mipui hnena ngenna a nei a, “Election Fel leh Muanawm kan neih ngeina turin i tang ho ang u” tiin ngenna a siam.
Vawiina kalkhawmah hian Security, Inbiakpawhna, Tui, Electricity leh Kawngte bakah thil pawimawh engemaw zat rel a ni a, tul dan angin inhmuhkhawm leh thuai a nih tur thu Chairman Pu Thanchhuma chuan a sawi.
Attachment
- Loading attachment...
