Pu R. Lalzirliana chuan Power & Electricity Department a chan hnuah a vawi khatna atan vawiin chawhnu  khan E-in-C Conference Room-ah department chhunga EE leh a chunglam zawngte ko khawmin inkawmna hun a hmanpui.

Power Minister chuan Engineer te chu lehkhathiam filawr an nih thu leh chumi chu an hnathawha lang chhuak ngei ngei tura a beisei thu  leh Inlungrualna hnuaiah chauh thawhhona tha a awm thin tiin, inpawh taka engkim tih hopui turin a sawm a, thil reng rengah Ni chu Ni, Ni lo chu Ni lo tingam zel turin a chah a. Democracy ramah chuan banpui pathum, Legislative, Executive, Judiciary an awm thu leh chungho chu tangho tlat reng tur an nih thu te, mipui thlan lalte chu sorkar hnathawkten zahder thiam a, an thu ngaihchan thiam a pawimawh thu te sawiin roreltu a thlante pawhin a hre zawk leh awm rei zawk turte duh dan an ngaihchan ve fo a ngaih thu te a sawi.

Kawlphetha hi ram hmasawnna tura a hnuk pawimawh ber a nih avangin department chhungah sum hardsatna avangin thawktu indaih lohna leh harsatna hrang hrang awm mah se, a theih chin china ram leh hnam tana thahnem ngai tlat reng turin a chah a; mimal hamthatna aia mipuite hmakhua ngai pawimawh tur leh an hna chu Pathian hna a ni tih pawm a, rinawm taka thawk turin Minister chuan  a ngen.

He hunah hian EE chin chunglam an kal kim tha  in  Secretariat lama thawktute pawhin an tawiawm tha hle a ni.