Vawiin khan Aijal Club ah Higher & Technical Education Minister Pu R. Romawia kaihhruaiin Mizoram State Higher Education Council meeting neih a ni a. Rashriya Uchhatar Siksha Abhiyan (RUSA) Scheme hnuaia hmalakna te bakah Higher Education tih hmasawnna tur thil hrang hrang an rel a ni.
SHEC hotute chu : Pu H. Zothangliana, MLA, Vice Chairman leh Member Secretary Prof. K.L. Pradhan te bakah State Higher Education Council member 18 te, pawl hrang hrang aiawh (Academic Associations, Chamber of Industries, YMA) leh State chhung leh pawnlam atangin Higher Education a mithiamte an ni.
State Higher Education Council Meeting thurel pawimawh zualte chu :
Member Secretary, Prof. K.L Pradhan an RUSA hmalakna hrang hrang report a pe a. Tun hnaiah Mizoram chu RUSA scheme kalpui tha ‘top performer in North East State’ leh India ram puma fund utilize (hmang tha) pathumna (3) a ni a. Kum 2017-2018 financial year chhunga Central in sum a pek phal zat (resource envelope) san lamah palina (4) India ram state te zingah thlan an ni chu lawmawm an tih thu resolution passed a ni a; RUSA sum hmanga Govt. College 24 a building hrang hrang sak tawhte leh Pukpui, Lungleia Mizoram Engineering College sak mek chu Power Point Presentation hmangin thlalak thlir ho a ni; RUSA sum hmanna Audit Report 2015-2016 leh 2016-2017 Financial year thlir ho a ni bawk a, RUSA sumvawn danin hma a sawn zel niin Meeting chuan a hria; Higher Education Institutions te (Colleges) te hmasawnna atana Academic Audit leh Institutional Ranking kalpui tur chungchang pawh sawi ho ni bawk.
