Pa eisual/Pa suak ei chungchangah Health Department chuan a hnuai ami ang hian thuchhuah an siam:

Tun hnai maia Pa eisual avanga thihna hial a thlen leh tak avangin thihna dang a thlen tawh loh nana mipuite kan lo fimkhur tlan a, kan lo him theihna turin Health Department hnuaia Integrated Diseases Surveillance Programme (IDSP) a Nodal Officer Dr. Pachuau Lalmalsawma chuan hetiang hian thuchhuah a siam.

"Khawvela pa chi hrang 2000 chuang zinga 300 vel zet chu India ramah hmuh ve a ni a. Mizorama Pa langsar deuh deuh changel pa, mau pa, pa si, pasawntlung, pasak (Pa khangbun) Luangpa, Bawngekpa, Pasaibeng, thingsepa, pa archang, pa uithin, pachang, papar leh a dangte pawh hi a him dan zir tura belhchian leh zual a tul hle a ni" a ti a. "Pa eisual mai theih chi hi chi hrang za vel awmin heng zinga 14 te chu thihpui mai theih chi an nih avangin kan chian lohte chu ei loh  a him ber a ni. Zirchianna in a tarlan danin pa eisual za a sawmkua leh panga vel chuan an pa ei an hriatchian lem loh thu a sawi bawk.

Tin, pa reng reng hi ei sual a nih hian a nasat dan leh a hlauhawm dan chu a pa awmna (tona) hmun a zirte, amaha tur awm (toxin) san dan te leh a pianken (genetic characteristic) bakah a siam dan kalhmang ten an hril bawk.

A tlangpuiin Pa hi eisual a nih reng rengin minitt 20 atanga darkar li inkarah velah a langchhuak thin a. luakchhuak, pumna, leh kawtha lo, khawhmuh fiah lo, luhai leh nikhaw hre lovin an awmtlangpui thin. A nasa deuhah chuan mitliamleh thisen zam ti chhe zawngte, kal leh thin hnathawh ti chhe zawng ten a thawk thin a ni.

Kum 50 chhunga zirchianna atanga a lan danin pa eisual lan chhuah dan hi chi thumah then a ni a: Ei atanga darkar 6 chhunga lang chhuak, ei atanga darkar 6-24 inkar leh darkar 24 hnu lama lang chhuak te an ni.

Pa-ah hian Cyclopeptides - Amatoxin, Gyromitrins, Orellanine, Muscarine, Psilocybin, Muscimol, Ibotenic acid, Coprine, Nephrotixin, Myotoxin, Immunoactive toxin, Hemolytic Toxin, Gastrointestinal Irritants te a awm a ni.

Pa kanlak emaw, ei turakankawlte reng reng chukanhre belinkanhrechiang hle tur a ni a. A hela ei hauh tur a ni lo va, a him dam tur a ni a, eithan pawh ni se a tlu sa chu lak tur a ni lo. Tin, pa chi hrang hrang tum khata a rualasiampawlh hi tih hauh loh tur a ni bawk.

Upate tih fo angin pahi ei mi a nih loh chuan ar pawhin an ei duh meuh lo a ni. Midangin an eisual lem loh hi a eisualtu ah kan tang thei a ni tih pawh kan hriat a ngai a. Chuvangin pa eisual lakah kan lo him tlan theih nan Pa hriat chian loh ei mai mai lo tur leh hriat chian pawh ni se, a siam dan a felfaia a thianghlim loh chuan kan ei mai tur a ni lo, tin hetiang dinhmuna kan lo ding a nih pawhin enkawl theihna hmun Damdawiin a rang thei ang bera pan a him ber a ni" tiin IDSP Nodal Officer  Dr. Pachuau Lalmalsawma chuan a sawi.