2745/2024-2025

Dated Hnahthial, the 29th October, 2024: Vawiin khan Krishi Vigyan Kendra (KVK), Lunglei District, Hnahthial buatsaihin KVK Training hall, Hnahthialah ni hnih awh tur “Pa khawi inzirtirna" programme chu hawn a ni.

Training hi Ministry of DoNER hnuaia North Eastern Council Project “Proving Key Identified services at Bunghmun Block of Lunglei District” bultuma buatsaih a ni a. Training hawngtu Dr. Henry Saplalrinliana, Senior Scientist & Head, KVK Lunglei District, Hnahthial chuan training tura lo kal te hnenah thu sawiin thiam tak tak tura a duh thu leh hlawhtlinpui ngei thei turin, taima tak leh thahnemngai takin he training hi hmang tura a duh thu a sawi a  Eizawnna tlak tak taka chantir thei ngei turin kalkhawmte chu uluk taka zir turin a chah a ni. 

He training ah hian Dr. Lalngaihawmi, Subject Matter Specialist (Plant Protection) chuan zirtirna hun a nei a. Training hi Bunghmun Block chhunga khaw thlan chhuah bik- Bunghmun, Buarpui, Thenhlum leh Tleu khua  atanga lo tel te hnenah zirtirna pek a ni a.  Hlawhtling taka pa khawi tura tih ngai te a thu (Theory) leh a tak (Practical) a inzirtirna neih niin pa khawi nana mawmawh hrang hrang trainees te chu pek nghal bawk an ni.