2746/2024-2025

Dated: Mamit the 29th of October, 2024 : Vawiin khan Taitesena Buk, DC Office-ah Special Summary Revision of Photo Electoral Rolls, 2025 atana Draft Electoral Roll chu Pu Malsawmzuala, District Election Officer chuan mipuite en theih turin a tlangzarh.

Pu Malsawmzuala chuan Draft Electoral Rolls tarchhuah takah hriatchian duh leh zawhna kan nei a nih chuan District Election Office-ah engtik lai pawhin zawhfiah theih a ni a, roll felfai leh rintlak kan neih theih nan khawtlang hruaitu, political party tin te'n thawhhona tha kan neih a tul a ni a ti.

Pu Lalnunfela Chawngthu, Election Officer-in a tarlan danin Draft Roll tarchhuah takah hian Mamit District chhungah Vote nei mipa 32886 leh hmeichhia 32307 an vaiin Voters 65193 an awm mek a, Summary Revision - 2024 atanga voters punna hi mi 92 za zelah 0.14% a ni. 1- Hachhek (ST) huamchhungah mipa voters 10566 leh hmeichhia voters 10586 awmin an vaiin mi 21152 an awm a ni. 2-Dampa (ST) ah mipa 10236 leh hmeichhia 9774 an vaiin 20010 voters an awm a, 3- Mamit (ST) ah mipa 12084 leh hmeichhia 11947 awmin voters 24031 an awm a ni.

Election Commission of India thuchhuak anga Photo Electoral Rolls Special Summary Revision, 2025 neih turah hian qualifying date 01.01.2025 a ni a, hming thun luh leh siamthat ngai dilna hun hi 29.10.2024 - 28.11.2024 chhung hun hawn a ni a, Final Roll hi 6.01.2025 tlangzarh tum a ni.

Vawiin-a draft roll tlangzarh hi Political party aiawhte MNF, INC, BJP, ZPM te hnenah Pi Carolyn L.B.Khiangte, Addl DC, Deputy District Election Officer chuan a copy a hlan a ni. 

Vawiin draft roll tlangzarhnaah hian Elections Officials, Political party aiawhte leh khawtlang hruaitute an tel a ni.