2747/2024-2025 

Dated Serchhip, the 29^th October, 2024: Vawiin khan Serchhip SP Pu MS Dawngkima hovin a pisaah Serchhipa tlawmngai pawl hrang hrang aiawh ten kumin Krismas leh Kumthar hunpui lo thleng turah halpuah, halmawi leh puakthei thil dang zawrh, lakluh, hal leh hralh khapna thupek Serchhip District chhunga kenkawh dan tur an rel.

Serchhip SP Pu MS Dawngkima chuan hunpuia halpuah, halmawi leh puakthei thil dangte khapna thupek kenkawh dan turah  Serchhip Police ten ruahmanna an siam lawk tlangpuite a sawi a. NGO hrang hrang aiawhte nen uluk takin sawiho chhunzawm a ni.

Mizoram sawrkar leh District Magistrate-in thupek a lo chhuah tawh kenkawh bul tan nan leh Serchhip District chu halpuah hal awmlohna District a nih theih nan ‘Free Halpuah District’ a puanna (Kick-Off) Programme chu thla thar November Ni 4 khian Serchhip Police Station-ah hman ni se, hemi ni vek hian Serchhip Police leh NGO hrang hrang aiawh te nen a bul tan nan District Capital-Serchhip a sumdawnna hmun hrang hranga dan phalloh puakthei thil zuar leh hralh an awm leh awmloh enfiahna 'Joint  Special Drive' neih nghal ni se, an ti a. Heng bakah hian   Serchhip District chhunga Village Council leh YMA Branch  zawng zawngah Information  mike hmangin a tam thei ang ber puanzar ni se, thupek bawhchhia te chu -Bharatiya Nagarik Suraksha Sanhita (BNSS) section 164 – hnuaiah  thla 6 thleng lung in tan leh Rs 2000-5000 thleng  chawi tir theih an nih thute inhrilhhriatna a tam thei ang berin puanzar ni se, an ti a.  Serchhip District chhunga 

Online Courrier te pawhin sawrkar phalloh thil   chah an awm chuan  phurhsak lo tura ngen/hriattir ni se tiin an rel bawk a ni.

Meeting-ah hian Serchhip Joint VC aiawh te, Serchhip Sub Hrqs YMA aiawh te, District MJA aiawhte an tel a ni.