Art, Literature & Education, Sports, Medicine, Social Work, Science & Engineering, Public Affairs, Civil Service, Trade & Industry etc lamah mi thawh hlawk leh hmingtha te tan rampum huap chawimawina sang Padma Award dawng thei tur te chu Sorkar Laipuia Home Ministry chuan rampum huap in a zawng mek a ni. Hemi chungchanga Additional Secretary, Home Ministry in Mizoram Chief Secretary hnena lekha a rawn thawn in a tarlan dan chuan hetiang lawmman chawimawina dawng thei tam tak te chuan mahni a bengvar thei a nih dan an hriat loh thin avangin a phu ngawih ngawih te pawhin an chan fo thin a ni a ti a. Chuvangin dilna tur bik te siama mahni chanchin leh hnathawh that te tarlang a umzui theih anih thu hi a zau thei ang bera puanzar tul an ni nghe nghe a ni.

Hemi chungchang bengvar zui duh leh dilna form ngaihven duh te tan I & PR Department ah zawhfiah thei a ni ang, dilna te chu September ni 14 2012 ral hma in Home Department Mizoram Sorkarah thehluh tur a ni.