India rama United Industrial Development Organisation (UNIDO) hotute zing ami Pu Manjula Saikia Bhuyan, National Consultant chuan UNIDO tanpuina a Mizoram Handicraft tih hmasawn dan tur enfiah in ni 31.8.2012 (Zirtawpni) khan Aizawl a rawn thleng.

Pi M.S. Bhuyan hian ni 1.9.2012 (Inrinni) khan Pu P.C. Lallawmsanga, IPS, Principal Secretary, Industries Department chu a chenna In ah hmu in Mizoram-a kut themthiam leh hnang deh thiam te chawikanna kawnga UNIDO atanga tanpuina awm thei te a sawi pui a. Mizorama UNIDO thawhpui Bamboo Development Agency (BDA) kaltlanga a tul anga training pek chungchang te, awlsam zawka tanpui theihna turin Artisan te a huhova awm (cluster approach) a pawimawhzia leh chutiang cluster siam tura BDA nen thawkduna hma an lak theih thu te a sawi a ni. Pu P.C. Lallawmsanga chuan kan ram mau hmang tangkaia retheihna umbo tura UNIDO thiltum chu tha a tiin a tul anga theihtawp chhuaha hma lak a inhuam thu a hrilh.

UNIDO leh Bamboo Development Agency tangkawp hian ni 10 - 14th September, 2012 hian Directorate of Industries building ah Bamboo Product Development Phase II atan training a buatsaih dawn bawk.