Central Sorkar-a Ministry of Home Affairs chuan Republic Day 2017-a semchhuah turin India rama civil mite tana chawimawina sang berte zinga mi, Padma Award hrang hrang - Padma Vibhushan, Padma Bhushan leh Padma Shri te dawng thei tur, kawng hrang hranga mi chungchuang leh thawhhlawk te hming chhawpchhuak (nominate) turin hriattirna a chhuah.

Heng award dawng thei tur hian inthliarna engmah awm lova, a phu te ngeiin an dawn theih nan, uluk leh huamzau taka ngaihtuahtu tur Committee din turin a ti bawk. Hming chhawpchhuah duh neite chuan September ni 15, 2016 thleng www.padmaawards.gov.in ah thehluh tur a ni. Rawtna hi online a thehluh ngei tur a ni a, online a thehlutlote rawtna chu ngaihtuah a ni lovang.