Central Sorkar-a Ministry of Home Affairs chuan Republic Day 2020-a puan turin India rama civil mite tana chawimawina sang Padma Award chi hrang hrang - Padma Vibhushan, Padma Bhushan leh Padma Shri te dawng thei tur, kawng hrang hranga mi chungchuang leh thawhhlawk te hming chhawpchhuak (nominate) turin hriattirna a chhuah.

Heng award dawng thei tur hian inthliarhranna engmah awm lova, a phu te ngeiin an dawn theih nan, uluk leh huamzau taka ngaihtuahtu tur Committee din turin a ti bawk. Daktawr leh Scientist nilo Sawrkar hnathawk dangte, Public Sector Undertakings a thawkte telin, he award dawng tur hian chhawpchhuah phal a nilo. Hemi chungchanga hriatchian duh neite leh hming chhawpchhuah duh neite chuan August 15, 2020 thleng Under Secretary to the Government of Mizoram, Home Department hnenah thehluh theih a ni.