Vawiin chawhnu khan Aizawl traffic tawt tih ziaawm nana sawrkar hmakakna Parking House Support Scheme executive committee te chuan Chief Secretary Conference Hall, New Capital Complex ah  thutkhawm tum nga (5) na an nei a, Pu Lalhmingthanga, Chief Secretary charge latu in he hun hi a kaihruai a ni.

Vawiin PAHOSS Executive committee thutkhawmnaah hian PAHOSS diltute zinga a dawng thei turte endika sawiho a ni a, Verification team ten Parking House sakna turte chu a hmunah kalin an hmuh dante he meetingah hian an tar lang a, PAHOSS hnuaia tanpuina an dawn theih dawn leh dawn loh chu he committee hian a ngaihtuah a ni. PAHOSS diltu hi a vaiin mi 611 an tling tawh a, 1st batch atan mi 99 te hnenah tanpuina pek tawh niin 2nd batch ah hian dilna 284 lut zingah vawiin hian dilna 107 te endik a sawiho a ni.