Disaster Management & Rehabilitation Department chuan school naupangten chhiatrup thleng thei a awareness an neih nan Painting Competition a buatsaih lawmman chu vawiin khan Mizoram Assembly Secretariat Conference Hall-ah semna hun a siam.He hunah hian DM&R Minister Pu Nihar Kanti Chakma chu khuallian niin, DM&R Addl. Secretary Pu Sangdingliana leh Jt. Director, School Education Dept. Pu Biakmawia te chu khualzahawm anni bawk. He hun hi disaster management chungchang inhrilhfiah nan leh lawmman sem nan hman a ni.

Khuallian chuan DM&R in Painting Competition buatsaih anih chhan chu naupangte talent haichhuah nan leh awareness pek nan ani tih a sawi a. Tunlai kan khawvel sik leh sa inthlak nasa tak ah hian chhiatrupna thlen hi a hlauhawm zual a. Kan inpuahchah thiam leh kan him theih ber dan ngaihtuah a tul a. Hemi kawngah hian mipui zawng zawng hian mawhphurhna kan nei a, zirlai naupang te hi kan ram nghahfak te an nih angin, chhiatrupna kawngah hian buatsaih an tul leh zual bawk a ni, Pu NK Chakma chuan a ti.

He hunah hian audio-visual presentation hmangin naupang kalkhawm te chu disaster management awmzia leh kalpui dan te zirtir an ni. Lawmman hi Middle School leh High School category atangin pakhatna atanga pathumna thleng ve ve bakah consolation prize panga ve ve sem a ni.

Lawmman dawngtu te chu hengte hi an ni:

High School Category (Theme – Earthquake)

1)Timothy Lalmuanzova, Class 10, J.L. Hr. Sec. School

2)Sanu Singh, Class 10, St. Pauls’ Hr. Sec. School

3)Agape K. Lalrinhlua, Class 10, Govt. Mizo High School.

Middle School Category (Theme – Landslide)

1)Linda Vanlalfeli, Class 8 Govt. Mission Vengthlang Middle School

2)Lalrinchhana, Class 7, Govt. Chanmari Middle School

3)Rinsangzeli, Class 8, Gospel Centenary School.