Union Minister of State for Panchayati Raj Pu Nihalchand chuan vawiin chawhma khan Sairangah Village Council House te, Community Hall sak lai te,  Anganwadi Centre No IV,  Govt. Modern Middle School te; Sihhmui a Village Council House te leh Lengpuiah Govt. Primary School I leh Village Council House te a tlawh a, khawtlang hruaitute inkawmna hun tawi a hmanpui bawk.

Union Minister of State hi Parliamentary Secretary Pu K. Lalrinthanga, LAD Secretary Pu C. Thatkunga, LAD Director Pu A. Biaklawma leh official dangten an tawiawm a, vawiin chawhnu khan Aizawl chhuansanin Imphal Manipur a pan leh ta a ni.