Vawiin chawhma dar 10 : 00 khan D.Cs Conference Hall, Saiha-ah Mizoram State Legal Services Authority te buatsaih in “Para Legal Volunteers Training” chu hlawhtling taka neih a ni.

He Training hi Dr HTC Lalrinchhana, Secretary, District Legal Service Authority, Saiha chuan a kaihruaia, Dan leh Hrai chungchanga thupui thlanchhuah chi hrang hrang hmangin Pu Thang Lianmang Guite, MJS, Member Secretary, Mizoram State Legal Service Authority leh Pu T.Lalnunsiama, Advocate bakah Dr HTC Lalrinchhana ten thu an sawi. He Training-ah hian Saiha District chhunga Para Legal Volunteers , Saiha khaw chhunga V.C. member, M.U.P. leh M.J.A. atangin mi 154 an tel a ni. He training hi naktukah neih chhunzawm leh tur a ni.