Home Minister, Pu R.Lalzirliana chuan vawiin khan a bial chhunga Sub-town football tournament, Thingsulthliah-a khelh chu hmanpuiin, lawmman a sem.

Pu R.Lalzirliana chuan football tournament hlawhtling taka buatsaih a ni chu lawmawm a tih thu sawiin, thalai ruihthei thil laka fihlim thahnem tak an tel chu lawmawm a tih thu a sawi a. Thalaite khawvel a ni tih hria in sorkar chuan thalaite hmakhaw thlir chung zelin hma a la a ni tiin, thalai te chu an thiam thil te eizawnna tlak khawp a chher hriam turin a chah a. Hmunhma tha tak kan neih te chu intuaihriam nana hmang zel turin a chah bawk.

He Tournament hi Thingsulthliah Games & Sports Association buatsaih a ni a, team 12 an tel a ni.