1665/2024-2025

20th August, 2024: August ni 13 – 14, 2024 chhung khan Pu Anandrao Patil, Additional Secretary, Department of School Education & Literacy (DSE&L), Ministry of Education kaihruaina hnuaiah New Delhi-a Performance Assessment, Review and Analysis of Knowledge for Holistic Development (PARAKH) ah school education board Chairperson-te, School Board, Samagra leh SCERT officials – Assam, Manipur, Meghalaya, Tripura, Mizoram, Nagaland leh Sikkim atanga koh khawmten workshop an nei.

He workshop-ah hian School Boards te intluktlan dan ‘Equivalence of Boards’ leh an kalphung inang lote chu engtin nge rualkhai zawka kalpui theih a nih ang tih ngaihtuahho a ni a. Mizoram aṭangin Pu JH Zoremthanga, Chairman, MBSE leh Pu R. Lalthlamuana, Deputy Secretary, MBSE te an tel a ni.

Prof. Indrani Bhaduri, CEO & Head PARAKH chuan hmun hran hrana School Board-te chuan an chenna hmun azira an danglam bikna pawlh dal si lova tehfung khat hmanga an kal theih dan tur chu an ngaihtuah ber tur a nih thu a sawi a. School Board-te nena thawhhona tha chuan tualchhung atangin ram pum huapah hlawhtlinna tha zawk a thlen ngei a rin thu a sawi bawk.

School Boards te nena sawihona neihah hian naupang thiamna leh theihna tak ‘competency’ phawk chhuak thei tur zawhna tha ‘question bank’ siam te, Board te chu State School Standards Authority anga hna thawk tur te, khawl theihna hmanga examination kalphung siamthat te ‘digitization’ leh school bansan tawh ‘Out of School Children’ te PARAKH nena tanghova Open School-a an let leh theihna turte a tel a ni.