Vawiin khan Pu KS Thanga, Paliamentary Secretary Finance chuan a bialchhung Sailam leh Lamchhip khuaa Community Hall sak mek chu tlawhin a hmuhah a en.

Heng khuaah te hian VC, NGOs leh khawtlang miten an lo dawngsawngin an lo tawiawm tha hle a, an khawtlangin an awh em em thin Hall chu Bialtu MLA kaltlanga an nei ve mai tur chungah lawmthu an hrilh a. Pu KS Thanga chuan Finance Minister Pu Lalsawta leh UD&PA Minister Pu Zodintluanga te duhsakna zarah a bial mipuiten vanneihna an chang a ni, a ti a. Khawtlang tanrualna leh khawtlang tana an inpekna chu fakin tanrualna chuan khawtlang tan hmasawnna lian zawk pawh a siam zel ang tiin a fuih bawk.