Vawiin khan Aijal Club-ah PHE Department chuan ‘Programme for Seminar on Operation & Maintenance of Switchgear, L.T. Electrical Panel and Soft Starter’ hmangin zirhona nilengin an nei.

Mizoram pum huapa an Department hnuaia Engineer-te leh Pump Operator-te tan a Tui Pump/ Electric khawl chi hrang hrang enkawlna kawnga thiamna tha zawk leh thuk zawk an neih theihna tura an programme hman hi Er. Lalmuanzova, Chief Engineer Zone I in a kaihruai a. Agenda hrang hrang Maintenance of Motor Feeder, ACB/MCCB leh Electrical Panel leh thil dang dangte zirho a niin chawhnu lamah Er. C. Lalremsiama, Chief Engineer Zone II kaihhruaina in Overview of Soft Starter leh Product Demonstration te zirho a ni bawk.

A vawi khat nana hetiang Seminar hman hona ah hian District hrang hrang atangin PHED Engineer leh operator mi 150 chuang an kalkhawm a. M/S Larsen & Toubro Ltd. atangin Pu Rahul Purkayastha, Guwahati leh Pu Vishnu Srivastav, Kolkata ten khawl chi hrang hrang enkawl leh venhim dan chipchiar takin zirtirna an pe a ni.