1274/2022-2023

Aizawl the 17th July, 2022 : New Delhi-ah vawiin khan Parliament-a Floor Leader- te ṭhutkhawmnaah July ni 18 a ṭan tur Parliament fur (Monsoon Parliament) ṭhutkhawm chhunga thu ngaihtuah turte thlirho a ni a. He ṭhutkhawmnaah hian telin Pu C. Lalrosanga, MP (LS) chuan bill 32 putluh tura ruahmante zingah tribal-te hmakhua khawih, Forest Conservation Amendment Bill 2022 leh Wildlife Protection Amendment Bill 2021 te a ngaih pawimawh thu a sawi. 

Mizoram mipuite tana pawi lo tur leh mipuite tana ṭha tur sawrkar bill putluhte chu thlawp an tum thu sawiin Pu Rosanga chuan Myanmar aṭanga raltlante hmakhaw chungchang pawh a sawi tel a. Aizawl aṭanga Assam Rifles sawnchhuah chungchang pawh  Parliament-a auchhuahpui fo ngai tawh lo tura hmalakpuiah he ṭhutkhawmna hotu Defence Minister Pu Rajnath Singh a ngen a ni. 

He thutkhawmnaah hian Defence Minister bakah Parliamentary Affairs Minister Pu Pralhad Joshi, Rajya Sabha House Leader Pu Piyush Goel leh party hrang hrang aṭanga floor leader-te an tel a. Parliament fur ṭhutkhawm naktuk July ni 18 a ṭan turah hian hnathawh ni, ni 17 chhung House pahnihte an ṭhukhawm dawn a, he ṭhutkhawm hi August ni 12 thleng awh tura ruahman a ni.

Attachment

  • Loading attachment...