1273/2022-2023

Siaha the 16th July, 2022 : Vawiin khan Krishi Vigyan Kendra (KVK), Siaha te buatsaihin 94th ICAR Foundation Day, 2022 Dr. H. Vanlalhmuhliana, Senior Scientist and Head, KVK kaihruaina hnuaiah hman a ni.

He huna khuallian Pu J. Vabeikiasa, Executive Member i/c Sericulture, Social Welfare etc chuan kalkhawm te hmaah thusawina hun hmangin, he hun hlu tak Siaha KVK te bultuma kan hman theih hi a lawmawm hle a ni, a ti a. Loneitute tana hun tha leh hlawkthlak tak KVK Siaha ten an buatsaih thin hi Siaha District a loneituten kan hlawkpui thin hle a ni tiin, loneitu kalkhawmte hnenah fuihna thuchah te a sawi a ni. MADC a a hna chanpual Sericulture Department leh Soil Department kaltlanga loneitute tana an hmalak tawhna te leh an hmachhawp hrang hrang te sawilangin, loneitute tana hamthatna awm thei ang ang te hrilh hriatna te a neih nghal bawk a ni.

Vawiin programme hi India ram puma hman niin, Siaha district huam chhunga Doubles Farmers income a beneficiaries te chu he hunah sawm bik an ni.

Pi J. Vanlalhluzuali, SMS (Agriculture Extension) chuan lawmthu sawiin vawiin hun hi a titawp ta a ni.

Attachment

  • Loading attachment...