Vawiin khan Chief Minister Office’s Conference Hallah Pu Lal Thanzara, Parliamentary Secretary hovin Mizoram PWD hotu lian te leh Mizoram All Classes Contractors Joint Committee ten meeting neiin, contractors ten Chief Minister hnena an dinhmun siamthat chungchanga rawtna an thlen te an ngaituah ho a. An sawiho chi hrang hrangte chu Pu Liansanga, E-in-C, PWD in hrilhfiah ngai leh sawibelh tul laite sawina hun a hmang zel a ni.

 

 

Meetinga thu ngaihtuahte zingah, Mizoram PWD Manual siam ni rawhse tih chu sawi hovin, tuna hman mek CPWD Manual chu kan zo lo deuh nia an hriat thu te leh Mizoram PWD Manual leh Code hran siam chungchangah contractor ten an duh ang te Engineering - in – Chief hnenah thlenin bawhzui nise tih remtih tlan a ni a. Mizo contractor class hrang hrangte tan hna semrual nise tih chu meeting hian tha a ti hle a. Contractor class IV leh III te tan hnathawhna area bik siamsak chu thiat a, Mizoram puma thawk thei tura an dilna chu la sawiho leh nise an ti a. Contractor a boral a, a chhung ten a hminga a hna an chhunzawm theih nana Firm Registration tih sak tura an dilna chu, uluk taka an sawi hnuin tih loh mai zawk tha a an hriat thu an sawi bawk a ni.  Hengte bakah hian, tun hmaa ‘Registered Contractor’ an nih anga hna an kalpui thin anga kalpui leh tura rawtna an thlente an sawi ho a, bawhzui chhoh nise an ti bawk.

Meetingah hian mi sawm bikte leh contractor class hrang hrangte an kal tha thawkhat hle a ni.