Vawiin khan BNRGSK Hall Thingdawl-ah Parliamentary Secretary leh Tuirial Assembly bialtu MLA ni bawk Pu Hmingdailova Khiangte hovin Thingdawl, Model Village a puan tawh atana hmalakna leh hnatawh chin te thlir ho a ni a. He hunah hian Model Village hnuaia hmachhawp hrang hrangte tihhlawhtlin nana Working Committee leh kawng hrang hranga hmalakna atana Sub Committee pengte din hnathawh tawh chin leh hmabak te ngaihthlak a ni.

Pu Hmingdailova Khiangte chuan hun reilote chhunga Working Committee leh Sub-Committee hrang hrang te hmalakna chu fakawm tiin Thingdawl chu Mizoram a Model Village tha leh entawntlak ber anih theih nan Committee hrang hrang member te chu inpe leh thawk turin a fuih a. Model Village atana kan hmachhawp te hi a sum leh pai zawng chuan thil ropui tak a ni lo mai thei a, mahse Model Village ina a tum ber mipui te rilru sukthlek leh ngaituahna te tuaithar a, hriselna, ziak leh chhiar, faina leh thianghlimna, zuk leh hmuam dona kawnga hma lak leh inthiarna mumal leh tha neih kawnga hna thawh te a ni, a ti.

Vawiin meeting ah hian Sub Committee hrang hrang ten an huam chhunga an hmalak tawhna leh an hmachhawp la neihte an tarlang a ni.