Bialtu MLA Pu Joseph Lalhimpuia chuan Lunglei Chanmari-a Hall sak mek chu a hmuna tlawhin hna thawh dan a enfiah a. He Hall hi tun dinhmunah hna 90% zo tawh anga chhut a ni. Estimate-a tel lo Hall chhuata phah tur turf leh lighting tha tak siam tum a ni.
He Hall hi DoNER Ministry atanga sum cheng 4,96,19,000 senga sak tur a ni a. January 2015 atang khan a sak hna hi thawh tan a ni. Mizopa chhiara chhawng 3 niin, badminton court 3, table-tennis board 3 leh basketball court 1 awm tura ruahman a ni a. Dormitory leh garage pawh a awm dawn a ni. Hall hnuaiah hian Govt. Primary School-II a awm dawn bawk a ni.
