Parliamentary Secretary Pu Joseph Lalhimpuia i.e Education chuan nimin khan Circuit House Conference Hall , Lunglei ah Lunglei District a Education Association hrang hrang te meeting a neih pui a. He meeting ah hian MISTA,MSTA,MPTA,HISLAM,MSHTA,MIGATA leh CSS Hindi Teachers Association te an tel a ni.

Meeting hi Pu R.Lalthakima DEO Lungleiin kaihruaiin Pu Joseph Lalhimpuia chuan zirna siam tha tura thawkho puiah Department hotute leh zirtirtu kalkhawm te hi a sawm a. GHSS Lunglei a school naupang wheelchair a nawr ngaite kal theihna tur rawtna siam a nih dawn thu leh Lunglei school naupangte Band party an neih theihna turin tan lak mek a ni a ti.

He meeting ah hian amalgamation leh education service chungchang sorkar ruahmanna neih te an sawi hova.Education Department hotute leh zirtirtu kalkhawmte hian education department in hmasawnna a nei chho zel chu lawmawm an tih thu sawiin Zirtirtu Association hruaitute chuan Headmaster atana promotion hmu decline te chu panel list a telh zui loh tha an tih thu an sawi bawk. Zirtirtu indaih lohna leh naupang rualkhai zawka an awm theihna turin amalgamation kalpui chu tha an tih thu Parliamentary Secretary bulah hian an sawi a, Primary school a Pre primary beh tel tir an duh thu pawh an sawi lang a ni.