Serchhip-a Fisheries Department chuan vawiin chawhma dar 11:00 khan NLUP 2nd Phase-a an Department hnuaia tanpuina dawngtute hnenah tanpuina an dawn hnuhnung ber tur an pe chhuak a, Serchhip Cluster-ah chhungkaw 53, Tuikum Cluster-ah chhungkaw 27 leh Hrangturzo Cluster-ah chhungkua 20, an vaiin sangha khawitu chhungkaw 100 ten an dawng a ni.

Vawiina tanpuina dawngtu 2nd Phase chhungkuate hnenah hian Fisheries Department chuan Sangha Dil siam bul tanna tur Rs. 50,000/-, tanpuina thawh hnihnaah Sangha Dil siam puitlinna tur, Rs. 20,000/- hu pek an nih hnuah tanpuina hnuhnung ber tur Rs. 30,000/- atangin Sangha Chi, Sangha Chaw leh hmanraw dang sem a lo ni tawh a, tun tumah hian Rs. 30,000/- atanga tanpuina hnuhnung ber tur Sangha manna lênhrut (Drag Net) pakhat (1) leh lênsuah (Hand Net) pahnih (2) chu vawiin khan Serchhip District Fisheries Development Officer, Pi Zonuntluangi chuan a Office atangin a semchhuak a, heti hian NLUP 2nd Phase tanpuina dawngtute hian Rs. 1,00,000/- an dawn tur chu an dawng kim ta a ni.