Ni 9.3.2016 chawhnu dar 2 khan Lungdai VC House (RCC Building) Rs.5,82,295 /- senga sak chu bialtu MLA leh Parliamentary Secretary ni bawk Pu Hmingdailova Khiangte chuan a hawng.

Hawnna inkhawmah thu sawiin Pu Hmingdailova Khiangte, Bialtu MLA chuan sum awm thei ang angte dapkhawma sum tlemte hmanga VC House building tha tak an sak theih avangin Lungdai VC te a fak a, khawtlang tana sawrkar sum hmanga thil siam tur reng rengah Lungdai khawtlang hruaitute chu rinawm taka hna tha taka thawk zel turin a fuih a. An hna hrang hrang thawh tawhte a hmuhin lungawithlak a ti a, mittlung taka an thawh thin avanga lawmthu sawiin thahnemngai taka khawtlanga tana hna thawk chhunzawm zel turin a fuih a ni.

VC House tihphuisui zel nan bialtu MLA hian MLA LADS Fund atangin Rs.1,00,000 /- (nuai khat) pek leh a la tum bawk a ni.