Vawiin khan PU H. Zothangliana, Parliamentary Secretary, H&TE etc. chuan Lawngtlai Chanmari II Middle School zirlai naupangte hnenah school uniform tur T- Shirt hak 70 a pe.

Thusawiin Pu Zothangliana chuan naupangten school uniform pakhat chauh an neih hian harsatna an tawh phah thei a, tih thler palh leh tih balh an neih changa an suka an siamthat mai hman loh changin school kal an hreh phah thei a ni. Hei vang hian chawlhkar khat chhunga uniform ngai ha tluan ngawt lova, uniform dang hak tur lo awm hi a tangkai hle a rinawm, amaherawh chu nilai form neih ngei tur tihna zawng a ni lo, a ti. Pu Zothangliana chuan school enkawltu amah lo dawngsawngtute chu fuihin naupang ten zir zel an chak a. Hriatna ngaisang mi an nih theih nan naupangte chawkphur thiam turin a fuih a. Khawtlang leh ram tana mi chhenfakawm chherchhuak ngei turin a fuih.

Parliamentary Secretary hian Lungleia Cultural Heritage Centre building sak mek pawh 14.8.2014 khan a hmunah a tlawh a, he centre hi Art & Culture department hnuaia sak niin cheng nuai 300 senna tura ruahman a ni. Tunah hian za a 50 vel an sa zo tawh.

Pu Zothangliana hian Tlabungah Independence Day a hman zawh hnuin Lawngtlai a tlawh leh mek a ni.