New Delhi a cham mek Parliamentary Secretary Pu Joseph Lalhimpuia chu vawiin khan Prime Minister programme, ‘Make in India Campaign’ hawnna inkhawmah a tel a. Prime Minister hnenah hian lehkha thehlutin, Sorkar laipuiin kalpui a tum mek ‘Clean India Campaign’ chu Mizoramah pawh faina lam hawi zawnga zirna in zawng zawngte nena tang hova beihpui thlak tum mek a nih thute a thlen a ni. Sikul naupangte dawm kan nana Education Department-in a mamawh thenkhatte thlenin, sorkar laipuia Ministry-ten GBS atanga 10% hmarchhak State-te tana a lo ruahman thin atanga tanpuina pe turin a ngen a ni.

Vawiin vek khan Parliamentary Secretary chuan DoNER Minister, General Vijay Kumar Singh a hmu bawk a. Education infrastructure lam an ngaihpawimawh thute DoNER Minister hian Parliamentary Secretary hi lo hrilhin, NLCPR/NEC hnuaia sanction tura Mizoram sorkar-in list a lo pek tawh zinga project-te pawh an lo ngaihpawimawh tur thu a hrilh bawk. Parliamentary Secretary hi Pu Umakant IFS, OSD, Mizoram House, N Delhi leh Pu VL. Malsawma, Dy. SPD, RMSA Mizoram-ten an tawiawm a ni.

Attachment

  • Loading attachment...