C&AG Report 2009-2010 bawhzuiin Public Accounts Committee (PAC) of Mizoram Legislative Assembly chuan vawiin khan Lunglei thlengin, District Project Coordinator, SSA Office an tlawh a ni.

Public Accounts Committee Member te chu :

1. Pu K.Sangthuama - Chairman 2. Pu R.L.Pianmawia - Member (Absent) 3. Pu S.Laldingliana - Member 4. Pu Lalrobiaka - Member 5. Pu Lalthanliana - Member 6. Pu Lalruatkima - Member 7. Pu Chalrosanga Ralte - Member an ni.

PAC Member-te hi Lunglei District SSA officials leh staff te bakah School Education Dept. officials ten lo hmuakin C&AG Report-ah DPC, SSA Lunglei ten sum an hman danah thil felhhlel anga tarlan chu chipchiar taka sawiho a ni a. PAC Chairman Pu K. Sangthuama chuan hun lo kal zelah fimkhur leh uluk zawka sum vawng tura hrilhin sorkar department hnathawk ten rinawm leh fimkhur taka hna an thawh hian sorkar leh ram an ti hmingtha a, an thawhrimna zarah ram hmasawnna a thleng thin a ni tih hre reng turin a fuih bawk.

PAC tawiawm officials te chu Pu H.Lalrinawma, Jt. Secretary; Pi Lalnunpuii Renthlei, Under Secretary leh Pu John Lalrinawma, Committee Officer te an ni a. Naktuk 26 September, 2014 (Zirtawpni) khian PAC Member-te chuan Higher & Technical Education Department hnuaia Govt. Lunglei College leh Mizoram Polytechnic Lunglei te an tlawh dawn a ni.