Lunglei-a cham mek Parliamentary Secretary i/c School Education Pu Joseph Lahimpuia chuan vawiin chawhma khan a thlenna Circuit House Coference Hall-ah Middle School Teachers’ Association (MSTA), Lunglei te nen zirna tihhmasawn dan tur chungchang ah inkawmna an nei.

Pu Joseph Lalhimpuia chuan MSTA-te nena thawhhona tha an neih theih chu lawmawm a tih thu a sawi a, School Education Department officials leh hnathawk thahnemngai tak tak Lunglei-in kan chan hi a vanneihthlak hle a ni, a ti bawk. Tun hnaia Doordarshan leh Eduction Department ten MoU an ziah chungchang tarlangin Pu Joseph Lalhimpuia chuan zirna lama sorkarin hmalakna hrang hrang a neite chu mipui hriatah puanzar a ni ang a, hei hi zirlaiten an tangkaipui ngei tura beisei a ni, a ti a. Hemi kaltlang hian Lunglei District-ah pawh nasa zawka ‘Qualtiy Education Drive’ an neih theih ngei ang tiin MSTA hruaitute a hrilh. Mizoram pumah 'school mapping' pawh a rang thei ang bera zo hman tura chak taka hmalak mek a nih thu sawiin Pu Joseph Lalhimpuia chuan zirtirtu hnathawk te tihchian nan an Voter’s ID thehluh tir mek an ni a, zirtirtu hlawh la thinte chu a takin an hnathawhna hmunah an awm ngei em tihchian nana tih a ni, a ti.

MSTA hruaitute chuan Parliamentary Secretary Pu Joseph Lalhimpuia hmalakna hrang hrang chungah lawmthu an hrilh a. Hlawh an lak that vang te, zirtirtu kaisan hun tawh tak tak te kaisan tir te, arrear an lak nghal thin te leh Education Guest House sak tura ruahmanna siam avangtein lawmthu sawiin Quality Education Drive an neih thinnaah a mimal tak pawhin a phurpui leh tawiawm thinnaah lawmthu an hrilh a ni. MSTA ten harsatna an tawhna thil hrang hrang a hnena an thlen chu Pu Joseph Lalhimpuia chuan theihtawp a lo chhuahpui tur thu a hrilh bawk.