Ni 10.10.2009 (Inrinni) khan Parliamentary Secretary Pu K.S. Thanga chuan Serlui ‘B’ Hydel Project tuikhuahah sangha no nuai 3.3 a chhuah a. He hunah hian Tuirial bialtu Pu K. Lalrinthanga, MLA bakah sawrkar department hotute thahnem tak an tel.
Sangha no chhuah hmaa Fisheries Secretary Pu Rohmingliana kaihhruai inkhawm tawite neiah Pu KS Thanga chuan he tuikhuaha sangha awmte hi tu ta bik mah a ni lova, keimahni ta anga kan enkawl a tul a ni, a ti a. Sangha man chungchangah sawrkar chuan ruahmanna a siam thuai dawn thu leh chumi hmaa sangha lo man duhte pawhin sangha la puitlinglo chu man lo turin a ngen nghal a ni. Sangha veng turin YMA, kohhran leh pawl hrang hrangte a sawm nghal bawk. Serlui B tuikhuah chu tourism lam atan pawh hman tangkai tur a la nih a rin thu a sawi bawk a ni.
Bialtu MLA Pu K.Lalrinthanga chuan a bial chhunga hmasawnna thleng mek chu lawmawm a tih thu a sawi a, Fisheries department hmalakna chuan miretheite tan rah tha a chhuah ngei a beisei thu a sawi.
Pu C. Laldawngliana, District Fisheries Development Officer chuan report pein kum 2007-08 chhunga Mizorama tuikhuah leh luidung atanga sangha tharchhuah chu metric ton 3200 a tlin thu a tarlang. Lui dung leh tuikhuah atanga sangha thar chhuah atanga intodelh turin nasa taka tan lak tum a nih thu a sawi bawk.
Serlui B Hydel Project tuikhuahah hian Fisheries Deptt. chuan May 8,2009 khan tumkhatna atan sangha no nuai 2.6 an chhuah tawh a. May 23,2009 khan nuai 8.4 an chhuah leh a. October 10, 2009 Inrinni khan sangha no 3,33,800 chhuah a ni leh ta a ni a, hemi atan hian tanpuina National Fisheries Development Board, Hqrs. Hyderabad atanga cheng nuai 25 dawn a ni. Tuikhuahah hian sangha no nuai 25 chhuah tura ruahhman a ni a, tunah hian nuai 10 vel chhuah leh hmabak mek a ni a. Serlui B Hydel Project tuikhuah atang hian kum khatah sangha quintal 4500 vel thar chhuah theih beisei a ni. He tuikhuah atangin helai chhehvel Chemphai, Chawnpui leh Saiphai te chuan agriculture lamah hamthatna an hmuh thei tura beisei a ni.
He tuikhuah hi cement leh thir tel lova chhunkhah vek a ni a, a bul thuta a chhah dan hi metre 393 a ni a, lui mawng atanga tuikhuah chhip san zawng hi metre 52 a sang a ni a, a zau zawng hi metre 305 a ni. Tui hian metre 40 thlenga sang chim theih chin sang ber a chimin Km 53 a thui ram a chim dawn a, tunah hian metre 34 a sang tui a tling tawh a, hei hian Km 38 a thui ram a chim tawh a, tuna a thuk zawng hi metre 38 (feet 130) vel a ni.
Bialtu MLA Pu K.Lalrinthanga chuan a bial chhunga hmasawnna thleng mek chu lawmawm a tih thu a sawi a, Fisheries department hmalakna chuan miretheite tan rah tha a chhuah ngei a beisei thu a sawi.
Pu C. Laldawngliana, District Fisheries Development Officer chuan report pein kum 2007-08 chhunga Mizorama tuikhuah leh luidung atanga sangha tharchhuah chu metric ton 3200 a tlin thu a tarlang. Lui dung leh tuikhuah atanga sangha thar chhuah atanga intodelh turin nasa taka tan lak tum a nih thu a sawi bawk.
Serlui B Hydel Project tuikhuahah hian Fisheries Deptt. chuan May 8,2009 khan tumkhatna atan sangha no nuai 2.6 an chhuah tawh a. May 23,2009 khan nuai 8.4 an chhuah leh a. October 10, 2009 Inrinni khan sangha no 3,33,800 chhuah a ni leh ta a ni a, hemi atan hian tanpuina National Fisheries Development Board, Hqrs. Hyderabad atanga cheng nuai 25 dawn a ni. Tuikhuahah hian sangha no nuai 25 chhuah tura ruahhman a ni a, tunah hian nuai 10 vel chhuah leh hmabak mek a ni a. Serlui B Hydel Project tuikhuah atang hian kum khatah sangha quintal 4500 vel thar chhuah theih beisei a ni. He tuikhuah atangin helai chhehvel Chemphai, Chawnpui leh Saiphai te chuan agriculture lamah hamthatna an hmuh thei tura beisei a ni.
He tuikhuah hi cement leh thir tel lova chhunkhah vek a ni a, a bul thuta a chhah dan hi metre 393 a ni a, lui mawng atanga tuikhuah chhip san zawng hi metre 52 a sang a ni a, a zau zawng hi metre 305 a ni. Tui hian metre 40 thlenga sang chim theih chin sang ber a chimin Km 53 a thui ram a chim dawn a, tunah hian metre 34 a sang tui a tling tawh a, hei hian Km 38 a thui ram a chim tawh a, tuna a thuk zawng hi metre 38 (feet 130) vel a ni.
Attachment
- Loading attachment...
