Mamit leh Kawrthah District huam chhunga State Highway leh National Highway PWD in an thawh mek chu Er. Liansanga, E-in-C, PWD leh a hoten a hmunah an enfiah a, Contractor leh a viltu Department Officer ten an tawiawm a ni.

 

 

 

 

Er. Liansanga chuan Sihhmui atanga kawng endik tanin, Mamit District chhung kawng siam mekte leh lo pawr leh awmte siam ran dan tur leh hmanhmawh avanga a hna chhiat phah erawh a duhloh thu sawiin, inthlah dahna avangin hna thenkhat muang lutuk chu fello a tih thu a sawi.

Mizoram leh Tripura inkalpawh tawnna kawng chu ngaih pawimawh a nih thu E-in-C chuan sawiin, kawng nuam zawk leh zal zawka kal theih turin ruahmanna siam mek niin, Dapchhuah atanga Dampui khua tlawh kawng chu Dampui kawng chhuk chho lutuk pumpelh nan, Mamit khaw chhung lut lo deuhvin kawng zal nuam tak siam tum a nih a nih thu a sawi.

Bairabi hmuna Tlawng leihlawn dawh mek pawh thlir hovin, he hna hautak tak hi uluk takin a nih dan tur anga ni thei ngei turin thawh mek a ni tih Er. Sanga chuan a sawi. Bairabi - Kolasib leh Bairabi - Bilkhawthlir 4 lane tura kawng siam mek pawk tlawhin he hna hi chak takin kalpui mek a nih thu a sawi bawk.

Er. Liansanga hi Er. Lianchungnunga, C.E. (PWD), Highway, Er. Laldela Sailo, SE (PWD) Western Circle, Er. Ruata Sailo, EE, Kawrthah Division, Er. Sangliana, EE, Mamit Division ten an tawiawm bakah Kolasib District chhungah Er. Ruatkima, SE (Highway) leh Er. Zothana, EE, Kolasib Division ten an tawimawm bawk a ni.