Vawiiin khan Parliamentary Secretary Pu KS Thanga hovin PHED, PWD leh P&ED hotute chuan Hlimen, Saikhamakawn leh Melthum-an tlawh. Local Council ten heng Department hnuaia harsatna an tawh hrang hrang - Kawng, side drain, power supply leh a dangte, chu lo thlenin, chungte chu a hmunah parliamentary Secretary ho hian enfiah a ni a.

Parliamentary Secretary chuan heng veng pathum te hi kum 1984 khan Aizawl khawpui chhunga rinluh ni tawh mahse Aizawl hmun dang ai chuan a la hnufum zawk a, hmalakna tur ala tam thu sawiin, khawtlang hmasawnna kawngah inpawhtawn taka thawkho turin kalkhawmte chu a sawm a ni. Department hotute chuan a remchan dana a siamthat hna thawh theih dan tur leh hmalak pui theih dan te an ngaihtuahpui tur thu an sawi a ni.