Nimin (23.6.2016) a Aizawl D.C Pu Kannan Gopinathan, I.A.S hova LPG Distributors leh Sawrkar Officials Meeting thutlukna bawhzuiin vawiin khan Aizawl D.C chuan a hnuai a mi ang hian Thuchhuah a siam : 

Tunhnaia LPG cylinder sem leh hralh chungchang leh LPG subsidy kaihhnawiha thil fel lo, mipui tana harsatna thlen thei chungchanga hmalakna mumal leh mipui awlsam zawk nan LPG Control Order (2000) chu LPG distributor leh mipuiten kan zawm tlang tur a ni a. Mipui awlsam zawk nana system tha kan neih theihna IVRS (Interactive Voice Response System) hi mipuiten kan la hmelhriat zau lo hle a. Hei hi mahni Gas connection neihna Agency theuha Online booking tih theihna system a ni.

Online booking ti thei tur hian https://indane.co.in/sms ivrs.php ah emaw Phone No. 9089024365 ah consumer chu a in register a ngai a, mahni Distributor phone number leh consumer number register tel tur a ni. In register hnuah chuan mahni awmhmun atangin internet leh phone call/SMS hmangin gas chu book theih a ni. Online-a gas book te chu distributor ten hun tiam chhungin an pe ngei tur a ni bawk. Distributor te pawh a theih ang angin home delivery ti tura ruahmanna lo siam tura ngen an ni.

Hei hian mipuite a sur a sa hnuaia Gas la tura intlar ngai thin a tihtawp bakah online registration-ah chuan midang chhut chawp ni lo, miin ama particular dik thlapa a chhut luh a ngaih avangin subsidy chungchanga pawisa kal sual hrang hrang pawh a sut kian theih beisei a ni. Gas connection neihna Agency bik neih a tul bawk avangin he system hi mipui ten kan zawm tlan hunah chuan gas bur to tak taka hralhna black-market pawh tihhniam theih beisei a niin, gas bur tihchingpen pawh nasa takin a tlak hniam phah ngei ang.

Gas thuk leh parts te hi kum hnih danah vawi khat tal check tur a ni a. IOCL authorised mechanic te chauh tih tur a nih laiin tuten emaw dan lova lo check leh parts thlak tul lo man to tak taka inleitir te an awm thin hi a pawi hle. Distributor ten IOCL authorised mechanic chauh te hmanga he hna hi lo thawkturinleh kangmei hlauhawm laka mipui him nan an bial theuhah mandatory door-to-door inspection an nei thin tur a ni. 

Aizawl khawpui chhunga LPG Distributor leh Phone Number :