Nikhat cham a lo Champhai rawn tlawh Pu K.S.Thanga, Parliamentary Secretary, i/c Taxation, Economics & Statistics,Accounts & Treasuries, Law& Judicial department chuan tukin zing dar 10:00 atang khan Champhai-ah a department chan office te a tlawh hlawm a. Thawktu te nen inkawm hona tha tak an an nei.

District Research Office tur Rs.15,00,000/- a lei Champhai Vengsang a mi chu Parliamentary Secretary hian a hmunah kalin office leh staff quarter sak dan tur te a sawipui a, Law & Judicial office ah pawh thawktute nen inkawm hovin an ni hian an mamawh chi hrang hrang te an lo thlen bawk. Champhai Treasury office pawh tlawhin hetah hian thawktute nen thingpui an in ho a, Champhai Treasury in an mamawh computer indaih lohnate leh Generator an mamawh thu te an lo thlen a, Pu K.S.Thanga hian Generator chu District dangte nen a ruala tihsak ngei a tiam nghal a ni .Taxation Office, Champhai zone tlawh lehin officer leh staff te nen inkawm hona hun an nei bawk a ni.

Pu K.S.Thanga hian heng a office tlawh naah te hian thu sawiin taima leh rinawm taka thawk a, an thiamna leh theihna te chu Mizoram tana hmang turin thawktute chu a chah a. Tuna an lo thlen an mamawh te chu chawp leh chilha tih thuai ni lo mahsela, Mizoram sawrkar chuan mipuite tana thawk kan nih ang ngeiin mipuite mamawh tih hlawhtlin chu a tum a ni a, a ngaihthah dawn lo a ni a ti bawk.

Parliamentary Secretary hian zanin hian Champhai a riak anga, naktuk hian Aizawl panin a haw leh ang. Pu L.H.Rosanga, Deputy Commissioner of Taxes, Lalthakima ELFA, Accounts & Treasuries, Er.K.Lalrimawia te an tawiawm a ni.