Ni 14.3.2012 (Nilaini) khan Parliamentary Secretary Pu Lal Thanzara chuan Chhawrpial Group YMA Conference a hmanpui a, Chhawrpial Group YMA Silver Jubilee lungphun a hawng nghal bawk a ni.
Ni 15.3.2012 khan Luimawi-ah Langkaih Group YMA Conference a hmanpui lehnaah thusawiin Pu Lal Thanzara chuan YMA member-te hian Zonun zemawi, aia upa te zahthiam leh tlawmngaihna te an chhawm nun zel a pawimawh a ni, a ti a. YMA kumpuan hlawhtlin nan piah lamah ram hmasawn zel nan pawh thalai zawk te hian ruihtheih thil, zuk leh hmuam leh hmeichhiat mipat na kawngah fihlim thei tura tan lak deuh deuh a tul a ni, a ti bawk. Sorkarin Information Technology-a hma kan sawn theih nan nasa takin tan a la mek a, heng te hi thalai zawk te hian chhawr tangkai se, harsatna hrang hrang kan tawhah te hian sorkar mawhpuh ringawt lovin sorkar tanpuitu leh thlawptu kan nih zawk theih hi a pawimawh hle a. NLUP dawngtuten an din chhuahpui theih ngeina tur leh kan ramin hma a sawn pui theih ngeina turin YMA ten venpui turin a chah bawk.
Pu Lal Thanzara hian Pukzing khua tlawhin West Phaileng to Marpara kawng siam mek te a en nghal bakah Bairabi lamah haw kualin Tlawng lei dawh mek te chak zawka kalpui a nih theih dan tur te a hmun ngeiah a en nghal bawk a ni.
