Nimin chawhnu dar 2:15 pm khan Pu Lal Thanzara Parliamentary Secretary chuan bawnghnute sawngbawlna hmun thar K.K Dairy, Bawngkawn Bazar bul ami chu a hawng. K.K.Dairy hi Mizote zinga football lama lar berte zing ami K.Kawla hming chawia a fapa Samuela din a ni.
Pu Lal Thanzara chuan thu sawiin, Samuela hi a Pi leh Pu atanga Pathian tih mi an ni a, a mite hawisan ngailo Pathian chuan vawiin niah mal a sawm a ni, a ti. Sorkar pawhin hetiang dinhmuna an lo ding thei hi tawiawm leh chawikan an ngaihna apianga puih a inhuam a ni, a ti bawk. Khuallian Pu Lal Thanzara chuan, Bawnghnute hi chaw tha a ni a, hetianga chaw tha hmanga Aizawl khawpui min chawmtu tur khawl bun lo ni ta chu lawmawm a ti thu a sawi a, NLUP pawh hian a tum ber chu eizawna mumal neilo ten eizawnna ngelnghet an lo neih theihna tur a hma lak a ni a, K.K. Dairy pawhin an chhungkaw tan chauh nilova midangte tan malsawmna ni ngei turin duhsakna a hlan.
He K.K Dairy hi thla hmasa mai atanga din tan niin, nitin bawnghnute 600 litres an semchhuak thin a, hnathawktu 5 awmin bawngvulhtute hnen atangin an bawnghnute a that dan a zir zelin litre-ah Rs 30/- aia tlem lovin an leisak thin a, an khawl hmante hi Gujarat atanga lak a ni. K.K.Dairy khawlte hian bawnghnute sawngbawlna atana khawl mamawh chi hrang hrang a nei kim vek bawk a, Mizorama hetiang khawl private a din hmasa ber an ni.
He K.K Dairy hi thla hmasa mai atanga din tan niin, nitin bawnghnute 600 litres an semchhuak thin a, hnathawktu 5 awmin bawngvulhtute hnen atangin an bawnghnute a that dan a zir zelin litre-ah Rs 30/- aia tlem lovin an leisak thin a, an khawl hmante hi Gujarat atanga lak a ni. K.K.Dairy khawlte hian bawnghnute sawngbawlna atana khawl mamawh chi hrang hrang a nei kim vek bawk a, Mizorama hetiang khawl private a din hmasa ber an ni.
