Vawiin khan I&PR Conference Hall ah Town Official Language Implementation Committee an thukhawm a. Aizawl leh a chhehvela Central Sawrkar Department, Bank leh Undertaking hrang hrang a Official Language (Hindi) hman uar zel dan turte an sawiho. Central Hindi Teaching Scheme hnuaia sorkar hnathawk tam zawk training pek dan turte sawiho a ni bawk.
TOLIC Chairman Pu C.Lalrosanga kaihhruai he thutkhawmnaah hian Pu Ajay Kumar Srivastav, Deputy Director, Regional Implementation Office, Department of Official Language, Guwahati chuan Official Languages Act, 1963 in a phut anga Central Sorkar hnathawkte Hindi training pek leh thiamtir ngei a tul thu a sawi a. Central sawrkar Office leh Undertaking a thawkte reng reng te chu Prabodh, Praveen leh Pragya course-te zirchhuak ngei tura ngaih an ni tih a sawi. Vawiina TOLIC meeting ah hian Central sawrkar office, undertaking leh bank te bakah Assam Rifles, BSF, CRPF leh Border Roads aiawhte pawh an tel a ni.
